Монгол Улсын Үндэсний итгэмжлэлийн төв нь тохирлын үнэлгээний итгэмжлэлийн асуудал эрхэлсэн Засгийн газрын гишүүн буюу Шадар сайдын дэргэд ажилладаг, тохирлын үнэлгээний итгэмжлэлийг эрхлэн гүйцэтгэдэг төрийн байгууллага юм. 

Тохирлын үнэлгээний итгэмжлэл гэдэг нь тохирлын үнэлгээний байгууллагын тодорхой үйл ажиллагааг гүйцэтгэх мэргэжлийн чадвартайг нь албан ёсоор нотлон харуулсан хөндлөнгийн этгээдийн баталгаа юм. 

Дижитал Информэйшн ХХК нь өргөдөл гаргасны дагуу Үндэсний Итгэмжлэлийн Төвөөс ISO/IEC 17021-1 болон ISO/IEC 27006 стандартаар итгэмжлэлийн үнэлгээг хийж байна.  

Бид Монголын хамгийн анхны ISO/IEC 27001 хамрах хүрээнд баталгаажуулалтын үйлчилгээ эрхлэх мэргэжлийн байгууллага болохоор зорилт тавин ажиллаж байна.